SILVER OF THE SEA – HERRING

[:is]

SILFUR HAFSINS – SÍLD

Síldin er einn helsti örlagavaldur Íslendinga á þessari öld og án hennar
er vafasamt að hér hefði byggst upp það nútímasamfélag sem við þekkjum í dag.
Um aldamótin 1900 kynntust íslenskir sjómenn og útgerðarmenn nýrri tækni til fiskveiða.
Stórfelldar þorsk- og síldveiðar hófust með vélskipum og afkastamiklum veiðarfærum.
Nýr tími var runninn upp með hraðstíga samfélagsumbótum. Aldalangri stöðnun og
fátækt var létt af þjóðinni. Góð síldarsumur í heimskreppunni á 4. áratugnum, þegar
þorskmarkaðirnir erlendis lokuðust, hafa líklega tryggt þjóðinni efnahagslegt sjálfstæði
og átt sinn þátt í því að árið 1944 öðluðust Íslendingar fullt frelsi eftir 5 alda yfirráð Dana.
Atburðirnir í kringum síldina voru sem ævintýri fyrir íslensku þjóðina
– síldarævintýrið mikla sem stóð í 100 ár.
Fyrstu síldarverksmiðjurnar risu á Siglufirði árið 1911. Síðar áttu stærri og fullkomnari
verksmiðjur eftir að „mala gull“ á öllum helstu síldarstöðum og má með sanni segja
að bræðsluiðnaðurinn hafi verið fyrsta stóriðja Íslendinga.

[:]